Kikosi cha Yanga kesho Jumapili kitashuka kwenye uwanja wa Majaliwa Ruangwa kumenyana na Namungo Fc katika mchezo unaotarajiwa kuwa na ushindani mkali
Namungo iliyopanda daraja msimu uliopita, msimu wake wa kwanza umekuwa mzuri kwani mafanikio iliyopata mpaka sasa hakuna aliyetarajia
Timu hiyo inayotoka jimboni kwa Waziri Mkuu Mh Kassim Majaliwa, katika msimamo wa ligi inashika nafasi ya nne, ikiwa na alama 49
Ni alama moja tu pungufu ya Yanga inayoshika nafasi ya tatu ikiwa na alama 50
Wanapocheza kwenye uwanja wao wa nyumbani, Namungo wanakuwa wagumu kufungika, ni utamaduni waliojiwekea tangu walipokuwa ligi daraja la kwanza
Hata hivyo wanakutana na Yanga ambayo imetoka kujeruhiwa na KMC kwenye mchezo uliopita kwa kufungwa bao 1-0
Huu ni mchezo muhimu sana kwa Yanga kuhakikisha wanapata ushindi ili kurejesha imani ya mashabiki kwa mabingwa hao wa kihistoria
Kocha Mkuu wa Yanga Luc Eymael amesema pamoja na kutambua kuwa mchezo huo utakuwa mgumu, lakini hawahitaji matokeo mengine zaidi ya ushindi
