Nahodha wa Yanga Papy Tshishimbi amewashukuru mashabiki wa Yanga kwa kujitokeza kwa wingi kwenye mchezo dhidi ya Simba ambao ulipigwa juzi kwenye uwanja wa Taifa
Katika mchezo huo Yanga iliibuka na ushindi wa bao 1-0 ambalo liliwekwa kimiani na Bernard Morrison kwa mpira wa adhabu
Tshishimbi amesema sapoti ya mashabiki kwenye mchezo huo iliwapa nguvu ya kupambana zaidi ambapo amewataka mashabiki waendeleze utamaduni huo wa kuwa pamoja na timu
"Asanteni sana mashabiki kwa sapoti yenu na kuwa pamoja na sisi tumepata mafanikio mazuri tuendelee kuwa pamoja na kushirikiana," amesema Tshishimbi
Juzi Tshishimbi aliliongoza vyema jeshi la Yanga wakifanikiwa kuiteka safu ya kiungo akishirikiana na mafundi wa mpira Haruna Niyonzima, Feisal Salum na Mapinduzi Balama
