Alianza Paschal Wawa kumkanyaga kwa makusudi mshambuliaji wa Yanga Ditram Nchimbi kwenye mchezo wa kwanza wa watani wa jadi ambao ulipigwa uwanja wa Taifa na kumalizika kwa sare ya mabao 2-2
Tukio lile lilipigiwa kelele sana na wadau wa soka nchini lakini hakukuwa na hatua zozote zilizochukuliwa
Jana tena Clatous Chama amefanya tukio la 'kijinga' kwa kumkanyaga kwa makusudi Feisal Salum 'Fei Toto'
Inashangaza kwa nini mwamuzi hakumpa Chama kadi nyekundu kwani ni tukio ambalo lilistahili kadi nyekundu ya moja kwa moja
Eti hawa ndio wachezaji 'professional' ambao kutwa wanasifiwa, mchezaji 'professional' hawezi kufanya tukio la aina ile ambalo lingeweza kumaliza maisha ya soka ya mchezaji mwenzake
Litakuwa jambo la kushangaza kama TFF wataliacha hili nalo lipite kama lile la Wawa
Mpira ni mchezo wa kiungwana, matukio haya ya kihuni kwenye soka hayakubaliki na ndio maana kwenye ligi za wenzetu wale wanaofanya matukio haya wanafungiwa muda mrefu
