Goli alilofunga Haruna Niyonzima juzi kwenye mchezo wa kombe la FA dhidi ya Gwambina Fc, ni miongoni mwa mabao bora yaliyofungwa msimu huu
Mnyarwanda huyo aliifungia Yanga bao pekee la ushindi kwa shuti kali akiwa nje ya 18
Mtangazaji na mchambuzi mahiri wa soka nchini maarufu Mwalimu Kashasha alisema kasi ya mpira uliopigwa na Niyonzima ni makadirio ya mwendokasi wa kilomita 103 kwa saa!
Ni bao ambalo lilikuwa na maana kubwa mbili kwa Yanga;
Mosi, liliipeleka Yanga hatua ya robo fainali ya michuano ya kombe la FA. Ikumbukwe Yanga imeweka nguvu zake zote kwenye michuano hiyo baada ya mwenendo mbaya waliopata kwenye ligi michezo ya hivi karibuni
Pili Yanga, ilihitaji kushinda mechi hiyo baada ya kukosa ushindi katika mechi nne mfululizo. Wachezaji walikuwa kwenye presha kubwa lakini baada ya Niyonzima kufunga,walitulia
Unaweza kusema ule msemo aliokuja nao msemaji wa zamani wa Yanga Jerry Muro kuwa ameleta password ya ushindi, password hiyo juzi alikabidhiwa Niyonzima
Kesho Jumamosi Yanga itacheza na Alliance Fc kwenye mchezo wa ligi kuu. Nani atabeba password ya ushindi? Tusubiri
