Mechi dhidi ya Alliance Fc kupigwa uwanja wa Uhuru

Mabingwa wa kihistoria Tanzania, Yanga kesho Jumamosi watakuwa dimba la Uhuru kupepetana na Alliance Fc katika mchezo wa ligi kuu

Afisa Habari wa Yanga Hassan Bumbuli amethibitisha kuwa mchezo huo utapigwa uwanja wa Uhuru kwa kuwa matengenezo yanaendelea uwanja wa Taifa

Aidha Bumbuli amewataka mashabiki wa timu hiyo kujitokeza kwa wingi kwenye mchezo huo kama walivyofanya mchezo uliopita dhidi ya Gwambina FC

Mbio za ubingwa bado

Katika hatua nyingine Bumbuli amesema Yanga bado iko kwenye mbio za kuwania ubingwa wa ligi kuu

"Tunawaambia mashabiki wetu waendelee kutuunga mkono, bado hatujakata tamaa kuwania ubingwa wa VPL"

"Hatma yetu kwenye ubingwa itafahamika baada ya kuwa tumecheza mechi zetu 16 na zile mbili za viporo," amesema