Yanga hatuna wasiwasi, tukutane uwanja wa Uhuru

Licha ya kutokuwa na majina mengi makubwa, kikosi cha Yanga kimesheheni vijana wenye vipaji hilo halina ubishi.

Mchezo wa leo dhidi ya Simba mda mchache ujao Yanga italithibitisha hilo.

Upande wa pili msimu huu wamekuwa na kelele nyingi sana na hivyo ndivyo wanavyopambana na hali yao.

Hawajachukua ubingwa kwa miaka mitano sasa, sherehe zao kubwa pekee ni kucheza na Yanga pamoja na lile bonanza lao la kila mwaka.

Sisi kama mabingwa watetezi, hatuna wasiwasi tunawasubiri pale uwanja wa uhuru tuweze kuwaharibia siku.

Kikosi cha Yanga ni kipana sana tena wakati huu, mchezaji yeyote atakayepewa nafasi na kocha Lwandamina naamini hatatuangusha.

Muhimu kwa wale ambao wamepata tiketi ni kuwahi mapema uwanjani kuishangilia timu kwa nguvu hasa ikizingatiwa sisi ndiyo wenyeji wa mchezo huo.

Yanga imepewa nafasi ya mashabiki 12,000 wakati Simba wamepewa nafasi 10,000