Nugaz uso kwa uso na mashabiki wa Yanga Tanga

Afisa Mhamasishaji wa Yanga Antonio Nugaz leo alikumbana na wakati mgumu kutoka kwa mashabiki wa timu hiyo mkoani Tanga baada ya kumalizika kwa mchezo dhidi ya Coastal Union uliomalizika kwa suluhu ya bila kufungana

Maafisa wa Jeshi la Polisi walilazimika kuingilia kati kutuliva vurumai lililoibuka kati yake na mashabiki waliokuwa na hasira baada ya kuchukizwa na matokeo ya mchezo wa leo

Huu ni mchezo wa nne Yanga haipati matokeo, ni jambo ambalo linawaumiza sana mashabiki

Wakati mwingine mashabiki wanakosa uvumilivu, lakini jambo hili linasababishwa na mapenzi makubwa kwa timu yao

Uongozi wa Yanga una kazi ya kufanya kuhakikisha wanarejesha furaha ya mashabiki wao