Kocha Msaidizi wa Yanga Charles Mkwasa amewataka mashabiki wa timu hiyo kumpa nafasi mshambuliaji Yikpe Gnamien kwani kuendelea kumshambulia wanazidi kumchanganya
Kwa siku za karibuni Yikpe amekuwa akicheza chini ya kiwango kila anapopewa nafasi jambo linalowakera mashabiki wa timu hiyo
Tayari presha ya mashabiki dhidi yake imeanza kushamiri jambo ambalo linaweza kumvuruga zaidi
Mkwasa amesema Yikpe amekuwa akifanya vizuri mazoezi na ndio maana wamekuwa wakimpa nafasi mara kwa mara lakini wanashangaa kwenye mechi hali inakuwa tofauti
"Mara nyingi najiuliza tatizo ni nini, kwani mazoezini anafanya vizuri na kuonekana bora, lakini akipangwa katika mechi, anashindwa kuonyesha kile alichokifanya katika mazoezi," amesema Mkwasa
"Nafikiri anahitaji muda, lakini pia huenda presha ya mashabiki na maneno yanayozungumzwa dhidi yake yanamkatasha tamaa,,naamini akishazoea na kukubali changamoto, atakuwa mzuri sana"
Kuna wakati kocha mkuu wa Yanga Luc Eymael alikiri mshambuliaji huyo kuwa na mapungufu lakini akaahidi kumuimarisha
Aidha, Eymael alisema wakati mwingine analazimika kumtumia kutokana na uhaba wa washambuliaji
"Molinga na Tariq wakiwa majeruhi hatuna namna tunapaswa kumtumia Yikpe. Ni mchezaji ambaye anajituma sana uwanjani, ana mapungufu machache nadhani yanarekebishika, tumpe nafasi"
