Baada ya kulazimishwa sare ya bao 1-1 dhidi ya Polisi Tanzania juzi, kikosi cha Yanga kimeelekea moja kwa moja mkoani Tanga kuwafuata Coastal Union 'wagosi wa kaya'
Siku ya Jumapili, Februari 23 mchezo wa kukata na shoka dhidi ya Coastal Union utapigwa uwanja wa Mkwakwani
Yanga itaingia kwenye mchezo huo ikihitaji ushindi baada ya kutoka sare katika michezo yote mitatu iliyopita
Afisa Mhamasishaji wa Yanga Antonio Nugaz amesema wanatambua ugumu wa mchezo huo lakini hawana namna nyingine zaidi ya kuhakikisha wanashinda
"Mchezo wetu dhidi ya Coastal Union ni mgumu sana. Tukanakwenda kupambana Insha Allah ili tuondoke na alama tatu kani hatuna namna tukutane Mkwakwani.." amesema
Mara ya mwisho timu hizo zilipokutana jijini Dar es salaam Yanga iliondoka na ushindi wa bao 1-0 ambalo lilifungwa na Abdulaziz Makame 'Bui'
Timu hizo pia zilikutana kwenye mchezo wa kirafiki na Yanga kuibuka na ushindi wa mabao 3-1
