Katika msimu wake mmoja alioitumikia Yanga, mshambuliaji Heritier Makambo alifunga mabao 25 katika mashindano yote
Mpasa sasa ligi ikiingia raundi ya 23, Yanga imefunga mabao 25 tu huku ikiruhusu mabao 18, ikikabiliwa na changamoto katika safu yake ya ushambuliaji
Ni dhahiri kwa mujibu wa takwimu hizo, Yanga haijaweza kuziba pengo la Makambo ambaye alikuwa kiongozi wa safu ya ushambuliaji
Usajili wa mshambuliaji David Molinga ulitarajiwa kuwa mbadala wake lakini nae kasi yake ya kufunga mabao ni ndogo
Ni dhahiri mwezi Juni Yanga itarejea tena sokoni kusaka mshambuliaji huku baadhi ya mashabiki wakitamani kumuona Makambo anarejea tena Jangwani
Yanga ilimuuza Makambo kwenda klabu ya Horoya AC ya nchini Guinea ambako alisaini mkataba wa miaka mitatu
Hakuanza vyema kunako klabu hiyo lakini sasa ameanza kuaminiwa na kupata nafasi ya kucheza mara kwa mara
