Pengine benchi la ufundi la Yanga litalazimika kuweka mkazo zaidi kwenye michuano ya kombe la Azam (ASFC) kwani matumaini katika mbio za ubingwa wa ligi kuu yamezidi kutoweka
Katika michezo mitatu iliyopita,Yanga imeambulia alama tatu tu kati ya tisa
Sare dhidi ya Polisi Tanzania jana imewafanya washuke mpaka nafasi nne wakiwa na alama 40 sawa na Namungo Fc
Mabingwa hao wa kihistoria wana deni la alama 19 dhidi ya Simba ambayo inaongoza ligi ikiwa na alama 59
Pamoja na kuwa na viporo viwili, hata ikishinda vyote bado itakuwa na deni la alama 13 dhidi ya vinara hao wa ligi
Baadhi ya mashabiki wameonyesha kukata tamaa kwa timu yao kutwaa ubingwa na kuwataka viongozi waweke mkazo kwenye michuano ya kombe la Shirikisho la Azam
"Sidhani kama tutaweza kutwaa ubingwa, tuko mbali sana, mimi binafsi siioni nafasi yetu kwenye ubingwa"
"Muhimu viongozi waweke mkazo kwenye michuano ya kombe la FA. Sisemi tusicheze ligi, tutaendelea kupambana lakini FA kiwe kipaumbele chetu" kauli ya Frank Yanga, shabiki kindakindaki wa klabu ya Yanga ambaye amehudhuria kila mchezo ambao Yanga imecheza
Yanga itacheza na Gwambina Fc Februari 26 kwenye mchezo wa kusaka nafasi ya kutinga robo fainali michuano ya kombe la FA
Mchezo huo utapigwa uwanja wa Taifa
Ubingwa wa FA inaweza kuwa nafasi pekee kwa Yanga kushiriki michuano ya CAF msimu ujao
