Kikosi cha Yanga jioni ya leo kitashuka kwenye uwanja wa Ushirika Moshi kuikabili Polisi Tanzania katika mchezo wa ligi kuu unaotarajiwa kuwa na upinzani mkali
Yanga iliwasili Moshi juzi ambapo siku ya jana ilikamilisha maandalizi yake kuelekea mchezo huo
Baada ya kulazimishwa matokeo ya sare katika michezo miwili iliyopita, mabingwa hao wa kihistoria wanahitaji ushindi leo
Matokeo tofauti na ushindi yataongeza presha kwa kikosi cha Luc Eymael ambaye amefanikiwa kwa kiasi kikubwa kuiboresha timu hiyo
Afisa Mhamasishaji Antonio Nugaz amewataka mashabiki wa timu hiyo Moshi na maeneo ya jirani kujitokeza kwa wingi kuiunga mkono timu yao
Mchezo huo unatarajiwa kuhudhuriwa na mashabiki wengi wa soka kwani Yanga inafahamika kwa kuwa na uungwaji mkono mkubwa kutoka mikoa ya Kaskazini mwa nchi
