Kiungo Mapinduzi Balama ameendelea kun'gara kwenye kikosi cha Yanga akiwa ni mchezaji ambaye ni nadra sana kumuona akikosekana kwenye kikosi cha kwanza
Uwezo wake wa kucheza nafasi za kiungo na mshambuliaji wa kutokea pembeni, umemuongezea wigo wa kuwa chaguo la kwanza kwenye kila mchezo
Tangu amejiunga na Yanga, Balama amekosa kucheza mechi tatu tu za Ligi Kuu Bara kati ya 20 walizokwishacheza
Mechi alizoshindwa kucheza Mapinduzi ni dhidi ya Tanzania Prisons, Mbeya City zilizopigwa Mbeya pamoja na Alliance FC na mchezaji huyo aliweka wazi ni kwa sababu alikuwa anasumbuliwa na maumivu ya enka ya mguu wa kulia.
Mwenyewe anaamini kujituma na kufuata maelekezo anayopewa na Walimu wake ndio sababu ya kupata nafasi ya kucheza mara kwa mara
“Nafikiri ni makocha wenyewe kuna kitu wanakiona kwangu, lakini kubwa ni kwa sababu najituma, nidhamu na ushirikiano mbele ya wachezaji wenzangu,” Mapinduzi alinukuliwa na Mwanaspoti
Meneja wa Yanga, Abeid Mziba amesema Mapinduzi ndiye mchezaji aliyecheza idadi kubwa ya mechi.
"Tangu niingie kwenye majukumu yangu ya kazi Yanga, Mapinduzi ndiye mchezaji aliyecheza mechi nyingi zaidi"
