Uongozi wa klabu ya Yanga umeitisha Mkutano na viongozi wa Matawi ya klabu hiyo jijini Dar es salaam
Kulingana na taarifa iliyotolewa na Idara ya Habari ya klabu ya Yanga mapema leo, Mkutano huo utafanyika Makao Makuu Yanga kesho Jumamosi, Februari 15 kuanzia saa nne asubuhi
Mkutano huo ni maalum kwa ajili ya kujadili mustakabali wa ushiriki wa Yanga raundi ya pili ya ligi kuu ya Vodacom pamoja na robo fainali ya kombe la Shirikisho (ASFC)
Pamoja na kukabiliwa na michezo ya ligi, mwishoni mwa mwezi huu Yanga itacheza na Gwambina Fc katika mchezo wa kusaka nafasi ya kutinga robo fainali kombe la Azam
Yanga imeweka mkakati wa kuhakikisha inafanya vizuri kwenye michuano yote lengo likiwa kushinda taji mojawapo au yote ili kupata nafasi ya kushiriki michuano ya CAF msimu ujao
