Hakuna mjadala, nahodha wa Yanga Papy Tshishimbi kwa sasa ni muhiri wa safu ya kiungo akicheza samamba na Mapinduzi Balama na Haruna Niyonzima
Kukosekana kwake kwenye kipindi cha kwanza mchezo dhidi ya Mbeya City, kulipelekea Yanga isiwe na ubora ambao imekuwa ikionyesha kwenye mechi za hivi karibuni
Kocha Mkuu wa timu hiyo Luc Eymael amekiri timu yake iliyumba kipindi cha kwanza kutokana na kukosekana kwa Mcongomani huyo
"Nilihitaji kuwapa mapumziko baadhi ya wachezaji hasa Tshishimbi na Niyonzima. Hata hivyo tumeona timu iliikosa muunganiko kukosekana kwa Tshishimbi," alisema
Kwenye mchezo wa jana Eymael alimtumia kiraka Said Juma Makapu nafasi ya kiungo mkabaji lakini alikosa kasi ya kuiunganisha timu
Makapu alicheza vizuri kwenye mechi ambazo alitumiwa kama mlinzi wa kati
