Nguli wa mfumo wa soka la kisasa Antonio Domingos Pinto kutoka Ureno ambaye hivi karibuni aliletwa na GSM kwa ajili ya mazungumzo ya kuongoza mchakato wa mabadiliko ya mfumo wa uwendeshaji wa klabu ya Yanga, anatarajiwa kurejea wakati wowote kuanza kazi hiyo
Pinto ambaye alifanya kazi kunako klabu ya Benfica Fc kwa miaka 10, ataitengenezea Yanga ramani ya mfumo upya wa uendeshaji ambapo atafanya kazi bega kwa bega na Kamati ya Mabadiliko iliyoundwa na uongozi wa Yanga
Makamu Mwenyekiti wa Yanga Fredrick Mwakalebela amesema Pinto alikuja kwanza kwa ajili ya mazungumzo na walifikia makubaliano kwenye masuala ambayo Yanga ilihitaji uzoefu wake
Inaelezwa mpaka kufikia mwezi May mwaka huu mchakato mzima utakuwa umekamilishwa na pengine kuanzia msimu ujao wanachama na mashabiki wa Yanga watahusika moja kwa moja kwenye maendeleo ya klabu yao kwa kuwa wanahisa
