Kocha Mkuu wa Yanga Luc Eymael amesema kwenye ujao wa ligi kuu dhidi ya Mbeya City, anatarajiwa kuwapa mapumziko baadhi ya nyota ambao wamecheza mfululizo
Akizungumza jana baada ya ushindi wa bao 1-0 dhidi ya Ruvu Shooting, Eymael alisema baadhi ya wachezaji wanahitaji mapumziko
"Tumecheza vizuri kipindi cha kwanza na tulistahili kwenda mapumziko na uongozi wa kuanzia mabao matatu lakini hatukutumia nafasi nyingi tulizotengeneza. Mlinda lango wa Ruvu Shooting nae anastahili pongezi kwani aliokoa mipira mingi ya hatari"
"Kipindi cha pili tulipunguza kasi, hili ni tatizo nadhani mchezo ujao tutawapa mapumziko baadhi ya wachezaji kwani kwa jinsi ratiba ilivyo, tumekuwa tukicheza mfululizo," amesema
Tariq ndani mchezo ujao
Mshambuliaji Tariq Seif huenda akapewa nafasi ya kuongoza safu ya ushambuliaji kwenye mchezo dhidi ya Mbeya City baada ya kupona majeraha
Jana Tariq alikuwa miongoni mwa wachezaji wa akiba hata hivyo hakupata nafasi ya kucheza
Eymael alifafanua kuwa kutokana na mchezo ulivyokuwa ukiendelea, aliona haikuwa sahihi kumuingiza Tariq
"Nilipanga kama tungefunga mabao mawili angeingia. Najua mashabiki wana shauku kubwa ya kumuona tangu arejee kutoka majeruhi. Lakini atakuwepo kwenye mchezo ujao," alisema kocha huyo raia wa Ubelgiji
