Molinga anaendeleza moto wa kupasia nyavuni

Mshambuliaji kiongozi wa Yanga David Molinga ameendelea kutumia vyema nafasi ya kuaminiwa aliyopewa na kocha Luc Eymael akiendelea kufunga mabao

Bao alilofunga leo dhidi ya Ruvu Shooting limemfanya Mcongomani huyo afikishe mabao saba na kuwa nafasi ya tatu miongoni mwa wafungaji bora wa ligi kuu mpaka sasa

Molinga amefunga mabao saba sawa na Yusufu Mhilu wa Kagera Sugar na Paul Nonga wa Lipuli Fc

Ameachwa kwa tofauti ya bao moja na Reliants Lusajo na Daruweshi Saliboko ambao wamefunga mabao nane kila mmoja wakati Meddie Kagere wa Simba anaongoza akiwa amefunga mabao 12

Molinga ameanza kuwa na mwendelezo mzuri wa kufunga mabao, jambo ambalo linaweza kumuweka kwenye nafasi nzuri katika mbio za kuwania kiatu cha dhahabu