Kikosi cha Yanga leo kinarejea dimbani kuwapa burudani mashabiki wake kwa kuikaribisha Ruvu Shooting katika mchezo ambao utapigwa uwanja wa Uhuru
Ni mchezo wa kwanza wa mzunguuko wa pili wa ligi kuu ya Vodacom
Mabingwa hao wa kihistoria wako kwenye kiwango kizuri wakishinda michezo yote minne iliyopita
Matokeo ya ushindi litakuwa lengo la kwanza kwa kikosi cha Luc Eymael ili kupunguza tofauti ya pointi kati yao na vinara wa ligi hiyo Simba ambao jana walichapwa bao 1-0 na JKT Tanzania
Afisa Habari wa Yanga Hassan Bumbuli amesema wamejiandaa vyema kuwapa furaha mashabiki, amewataka wajitokeze kwa wingi kuiunga mkono timu yao
Viingilio vya mchezo huo VIP ni Tsh 10,000/- na Mzunguuko ni Tsh 5,000/-
ADVERTISE HERE
