Mkufunzi wa Yanga Luc Eymael amesema ligi imara inapelekea kuwa na timu ya Taifa imara hivyo ni muhimu kwa Tanzania kuwa na ligi imara
Akizungumza baada ya mchezo dhidi ya Lipuli Fc jana ambao ulimalizika kwa Yanga kuondoka na ushindi wa mabao 2-1, Eymael amesema kuna matukio ambayo hayatoi taswira nzuri
"Tanzania mnahitaji kuwa na ligi yenye ushindani ambao baadae utatoa timu imara ya Taifa na vilabu kufanya vizuri kwenye michuano ya Kimataifa," alisema Luc
"Kwa hali ilivyo sasa malalamiko ni mengi kuwa kuna timu zinanufaika na nyingine zinaonewa, sio jambo zuri"
Aidha akizungumzia mchezo dhidi ya Lipuli, Eymael alisema mchezo huo ulikuwa wa vipindi viwili
Kipindi cha kwanza walikuwa bora na walipaswa kufunga zaidi ya mabao matatu
Lakini kipindi cha pili walipunguza kasi, jambo ambalo anadhani pengine linasababishwa na uchovu
Aidha Luc ametoa malalamiko ya harufu kuendelea kutesa wachezaji kwenye vyumba vya kubadilishia nguo
Mbelgiji huyo aliwatoa wachezaji nje ya vyumba wakati wa mapumziko
