Morrison kama kawaida uwanja wa Taifa leo

Kiungo mshambuliaji wa Yanga Bernard Morrison leo atakiongoza kikosi cha timu hiyo kwenye mchezo wa ligi kuu dhidi ya Lipuli Fc

Mchezo huo utapigwa kuanzia saa moja jioni kwenye uwanja wa Taifa

Huo utakuwa mchezo wa nne kwa Morrison kuitumikia Yanga

Mpaka sasa Morrison ametoa pasi tatu za mabao na kufunga bao moja kwenye michuano yote

Mchezo uliopita dhidi ya Mtibwa Sugar, Morrison aliwekewa ulinzi maalum lakini madhara yakawakumba kupitia kwa David Molinga aliyefunga bao la ushindi akimalizia krosi murua ya Ditram Nchimni

Hakuna shaka, Morrison leo atakuwa sehemu ya wanaume 11 watakaoiwakilisha Yanga kwenye mchezo dhidi ya Lipuli ambao mabingwa hao wa kihistoria wanahitaji matokeo ya ushindi