Katika hali ya kushangaza, Shirikisho la Mpira wa Miguu nchini (TFF) jana lilizuia kurasa za kutoa maoni kwenye kurasa yake ya Instagram baada ya mchezo wa ligi kuu kati ya Simba dhidi ya Polisi Tanzania
Mchezo huo uliopigwa uwanja wa Taifa, ulimalizika kwa Simba kushinda mabao 2-1
Hata hivyo tukio kubwa lililoibua mjadala mkali ni mwendelezo wa waamuzi kuendelea kufanya makosa kwenye michezo ya Simba ambapo jana mfungaji wa bao la kwanza la Simba John Bocco alionekana kuotea waziwazi
Tukio hilo liliibua sintifahamu miongoni mwa wadau wa soka nchini, lakini hawakuweza kutoa maoni yao kwenye kurasa za TFF kwani waendeshaji wa kurasa hizo walifunga sehemu ya kutoa maoni baada ya kuweka matokeo na video za magoli
Tukio hilo limeonekana kuwashangaza wadau wa soka kwani TFF sio mali ya mtu bali ni ya Watanzania wote, wadau wa soka na wana haki ya kutoa maoni/malalamiko juu uwendeshaji wa ligi
Kuzuia watu kutoa maoni yao kwa makosa yanayoonekana dhahiri inatoa taswira mbaya na kuibua maswali mengi
