Watani poleni kwa pigo takatifu

Kwa takribani wiki kadhaa mashabiki wa Yanga wamekuwa kwenye wakati mgumu hasa kwenye mitandao ya kijamii kutokana na tambo za watani zao Simba ambao timu yao ilikuwa inasajili wachezaji asubuhi, mchana na jioni.

Baada kuibuka kwa taarifa kuwa Simba imemnasa aliyekuwa kipenzi cha WanaYanga Haruna Niyonzima, ghafla zikaibuka taarifa nyingine kuwa wamekaribia kumnasa mshambuliaji mwenye macho na nyavu Donald Ndombo Ngoma.

Kuna baadhi ya vyombo vya habari viliuaminisha Umma kuwa Ngoma tayari ameshasajiliwa na Simba huku msemaji wao akitoa matani kuwa 'Mjiandae kuchoma jezi nyingine.'

Ghafla mambo yakabadilika jana Jumanne baada ya kuibuka taarifa kutoka huko Afrika Kusini kuwa Ngoma amesaini miaka mitatu kuichezea Polokwane City.

Wale mashabiki wa Simba waliokuwa wanatamba kwenye mitandao nikawaona wanaanza kuwa wapole licha ya juzi tu kumpokea Okwi walioaminishwa kuwa mkombozi wao.

Hali ikawa mbaya zaidi ilipofika saa nne usiku pale Ngoma alipotua uwanja wa ndege wa JNIA tena akapokelewa na mabaunsa wa Yanga.

Ghafla wengi wamenuna baada ya kuthibitika kuwa Ngoma amesaini mkataba wa miaka miwili kuendelea kuitumikia Yanga.

Ni dhahiri Ngoma ndiye mchezaji anayeogopwa zaidi na Simba na ndio maana walitamani atue Msimbazi.

Baadhi ya vyombo vya habari viliwaaminisha kuwa Yanga 'Salio limekata' hivyo hawana uwezo wa kumbakisha Ngoma kumbe wanajidanganya.

Hakika msimu ujao watajuuta kumfahamu. Natambua walitamani kuibomoa Yanga ili iwe rahisi kwao kutwaa ubingwa lakini wanajua uwepo wa Ngoma, Tambwe na Chirwa ni habari mbaya sana kuisikia.

Combination ya hawa watu ukimuongeza na Msuva ni ya hatari sana kukutana nayo hasa pale wote wanapokuwa 'fit'

Sasa habari mbaya zaidi kwenye hiyo combination ameongezeka kijana waliomlea wenyewe Ibrahim Ajib Migomba.

Kwa kweli ni budi kuwapa pole kwani ki uhalisia watakuwa na kazi ngumu sana kutwaa ubingwa.