Kaseke anarudi enzi zilee..

Ukizungumzia wachezaji wanaofanya vizuri kwenye kikosi cha Yanga sasa huwezi kukosa kutaja jina la kiungo mshambuliaji Deus Kaseke

Hakuwa akiaminiwa sana wakati wa Mwinyi Zahera, lakini tangu alipokuja Mkwasa na sasa Luc Eymael, amekuwa mchezaji muhimu kwenye kikosi cha Yanga

Kaseke anaipa faida Yanga timu inaposhambulia lakini pia ana mchango mkubwa pale timu inapojilinda

Aidha ujio wa mafundi kina Haruna Niyonzima, Bernard Morrison na uwepo wa kina Mapinduzi Balama kwenye safu ya kiungo ni kama wamemrejesha misimu minne wakati huo akiwa kwenye kiwango cha juu

Kwa hakika furaha ya mataji inaweza kurejea msimu huu kama nyota hawa wataendeleza moto walionao sasa