Kikosi cha Yanga kiko mkoani Singida ambapo jioni ya leo watashuka katika dimba la Namfua kuikabili Singida United ukiwa ni mchezo wa ligi kuu ya Vodacom
Yanga ilitua Singida juzi jioni, jana ikapata nafasi ya kufanya mazoezi kwenye uwanja wa Namfua ambao leo utatumika kwa mara ya kwanza baada ya kufanyiwa maboresho
Baada ya mfululizo wa kukosa ushindi katika michezo mitatu iliyopita, mchezo wa leo Yanga haihitaji matokeo mengine zaidi ya ushindi
Wachezaji, benchi la ufundi, viongozi na hata mashabiki leo watakuwa na siku mbaya sana kama mambo hayatabadilika
Mkufunzi wa mabingwa hao wa kihistoria Luc Eymael amesema wamerekebisha baadhi ya changamoto zilizojitokeza kwenye michezo iliyopita hivyo leo wana kila sababu ya kushinda
Eymal bado hajaonja radha ya ushindi tangu atue Yanga wiki mbili ziliyopita
Mchezo utapigwa saa kumi kamili jioni
