Kocha Mkuu wa Yanga Luc Eymael amesema mchezo wa ligi kuu dhidi ya Azam Fc ambao utapigwa kesho Jumamosi kwenye uwanja wa Taifa hautakuwa mwepesi
Mbelgiji huyo amesema ameifuatilia Azam Fc na kubaini wana timu nzuri hivyo anatarajia upinzani mkali
"Tunatarajia upinzani mkali kutoka kwa Azam Fc kwani nimewaona, wana timu nzuri. Sisi tumefanya maandalizi ya kutosha, tunahitaji kushinda mchezo huo," amesema
"Jioni tutafanya maandalizi ya mwisho, nilipenda tufanye mazoezi usiku kwenye uwanja wa Taifa lakini hatukuruhusiwa. Tutafanya mazoezi mepesi na kuwapa maelekezo ya mwisho wachezaji"
Huo utakuwa mchezo wa pili kwa Eymael tangu alipojiunga na Yanga akipoteza mchezo wake wa kwanza dhidi ya Kagera Sugar kwa kufungwa mabao 3-0
Eymael anahitaji kupata matokeo ya ushindi kwenye mchezo huo kwani kama Yanga itafungwa huenda akajikuta kwenye wakati mgumu mapema sana
Viingilio vya mchezo huo VIP A ni Tsh 15,000/-, VIP B na C ni Tsh 10,000/- na Mzunguuko ni Tsh 5,000/-
