Kiungo Haruna Niyonzima aliwaomba radhi wachezaji wenzake jana baada ya makosa yake kupelekea kufungwa bao la pili katika mchezo ambao Yanga ilifungwa mabao 3-0 na Kagera Sugar
Niyonzima aliyekuwa nahodha wa Yanga kwenye mchezo huo, alipokonywa mpira eneo la hatari wakati alipojaribu kumpiga chenga ya kisigino mchezaji wa Kagera Sugar
Ukiachana na tukio hilo, Niyonzima alikuwa na mchezo mzuri, alionekana kuwahamasisha wenzake wakati timu hiyo ilipokuwa nyuma
Lakini pia mashabiki wa Yanga walionyesha uungwana mkubwa kwa wachezaji baada ya mchezo huo kumalizika
Mashabiki waliojitokeza kwa wingi uwanja wa Uhuru walifanya tukio la aina yake kwa kuweka mstari na wachezaji kupita kati yao huku wakiwapigia makofi
Mashabiki hao ni kama walitoa elimu kwa watani zao Simba ambao juzi waliwazomea wachezaji wao baada ya kupoteza fainali ya kombe la Mapinduzi kwa kufungwa na Mtibwa Sugar bao 1-0
