Eymael yuko tayari kwa kibarua chake cha kwanza Yanga

Kocha Mkuu wa Yanga Luc Eymael kesho Jumatano ataanza rasmi majukumu ya kuiongoza Yanga katika mchezo wa ligi kuu ya Vodacom dhidi ya Kagera Sugar

Mchezo huo utapigwa katika uwanja wa Uhuru

Eymael alianza rasmi kukinoa kikosi cha Yanga jana baada ya kusaini mkataba wa mwaka mmoja na nusu kuwanoa mabingwa hao wa kihistoria

Kocha huyo aliyewahi kuipa AS Vita ubingwa wa ligi kuu ya DR Congo, ametamba kuwa na kikosi chenye wachezaji wenye vipaji

Inaelezwa tayari vibali vyake vya kufanya kazi nchini vimepatikana hivyo huenda kesho akakaa kwenye benchi kuwaongoza vijana wake katika mchezo wake wa kwanza