Afisa Mhamasishaji wa Yanga Antonio Nugaz amesema Mashindano ya Mapinduzi yana historia kubwa katika maendeleo ya mpira wetu na kudumisha udugu na katu hawezi kuyadharau
Nugaz ametoa ufafanuzi kuhusu kauli aliyoitoa juzi ambayo ilinukuliwa na vyombo vya habari akisema kuwa Yanga haikuwa imeweka mkazo kwenye mashindano hayo madogo ikihofia wachezaji wake kuumia
Jana msemaji wa Simba Haji Manara alikwenda mbali kwa kuita kauli hiyo kuwa ni dharau kwa Serikali ya Mapinduzi ya Zanzibar
Nugaz ameomba radhi kwa wote waliokwazika lakini amesisitiza hawezi kuidharau Serikali ya Mapinduzi ya Zanzibar
"Kwa watu wanaonifahamu mimi daima wanajua khulka yangu ya mapenzi na uzalendo kwa nchi yangu! Hakika,haitokuja siku mimi kuonyesha dharau kwa kwa vitu ama watu ninaowathamini, kuwapenda na kuwaenzi," ameandika Nugaz kwenye ukurasa wake wa mtandao wa Instagram
"Nikiwa naifahamu vyema historia ya Mapinduzi yetu adhimu na kwa kutumia mitandao yangu ya kijamii na kazini,nimekuwa mmoja kati ya watu wanayoyathamini, kuyafurahia na kuyatangaza kwani yamekuwa mbegu bora ambayo leo tunajivunia kama Taifa moja"
"Mashindano ya Mapinduzi yana historia kubwa katika maendeleo ya mpira wetu na kudumisha udugu,siyo tu ndani yetu bali hata Afrika mashariki"
"Mashindano haya yanatutangaza na kutufanya tujivunie utu na heshma yetu. Nawaomba msifadhaishwe na kauli za watu wanaopotosha kauli yangu kwa ajili ya kutimiza matakwa ya"
"Naomba pia muniwie radhi kwa yeyote aliyedhikika na kauli ile,napenda muamini ya kuwa, heshima niliyonayo kwa Serikali ya Mapinduzi Zanzibar chini ya Rais wa Zanzibar na Mwenyekiti wa baraza la Mapinduzi Dk. Ali Mohamed Shein itaendelea kudumu daima na namuombea kila lenye kheri katika maadhimisho ya sherehe hizi"
"Mapinduzi Daima"
