Mabingwa watetezi ligi kuu ya Vodacom Yanga, leo wametoa onyo kwa timu nyingine zinazoshiriki ligi hiyo baada ya kuwafumua Stand United mabao 4-0 katika mchezo uliopigwa kwenye dimba la CCM Kambarage mkoani Shinyanga.
Licha ya kupata ushindi huo muhimu, Yanga pia ilionyesha kandanda safi kwa kucheza soka la kasi kupitia mashambulizi ya pembeni.
Ibrahim Ajib ameendelea kudhihirisha ubora wake ambapo leo amepachika mabao mawili na kufikisha idadi ya mabao matano.
Moja ya mabao yake ulikuwa mpira wa adhabu alioupiga pembeni karibu na kibendera cha kona kwenye dakika ya 23. Bao hilo linafanana kabisa na bao alilofunga kwenye mchezo dhidi ya Njombe Mji.
Kwa mara nyingine uelewano wake na Obrey Chirwa ulizaa bao la pili kwenye dakika ya 34 ambapo Ajib aliutumbukiza mpira wavuni baada ya kutengewa pasi murua na Chirwa.
Yanga ikiwatumia Papi Kabamba Tshishimbi na Pato Ngonyani ilitawala sehemu ya kiungo na kuwapa wakati mgumu viungo wa Stand United na kuilazimu timu hiyo kutumia mipira ya mirefu.
Hata hivyo safu ya ulinzi ya Yanga leo iliyokuwa chini ya nahodha Nadir Haroub Cannavaro na Andrew Vicent 'Dante' ilikuwa imara kuondoa hatari zote langoni.
Kwenye dakika ya 53 Pius Buswita akaifungia Yanga bao la tatu kwa kuunganisha mpira wa kona uliopigwa na Ajib kabla Chirwa hajafunga bao la nne kwenye dakika ya 69 akitumia makosa ya mlinda lango aliyeshindwa kuwahi mpira uliokuwa umepigwa na Buswita.
Katika dakika 15 za mwisho kocha Lwandamina aliwatoa Chirwa, Ajib na Mwashiuya na kuwapa nafasi Said Mussa, Emanuel Martin na Yusuph Mhilu.
Kwa kandanda iliyoonyeshwa na vijana wa Yanga leo ni dhahiri sasa wako tayari kuubakisha ubingwa wa VPL Jangwani kwa msimu wa nne mfululizo.
Aidha Yanga iko tayari kwa mchezo dhidi ya Simba wiki ijayo, oktoba 28.
Ushindi dhidi ya Stand umeirudisha Yanga kwenye nafasi ya pili baada ya kufikisha alama 15 sawa na Simba na Mtibwa Sugar.
Sasa Yanga imefunga mabao 10 na kuruhusu mabao matatu hivyo kuwa na tofauti ya mabao saba.
Licha ya kupata ushindi huo muhimu, Yanga pia ilionyesha kandanda safi kwa kucheza soka la kasi kupitia mashambulizi ya pembeni.
Ibrahim Ajib ameendelea kudhihirisha ubora wake ambapo leo amepachika mabao mawili na kufikisha idadi ya mabao matano.
Moja ya mabao yake ulikuwa mpira wa adhabu alioupiga pembeni karibu na kibendera cha kona kwenye dakika ya 23. Bao hilo linafanana kabisa na bao alilofunga kwenye mchezo dhidi ya Njombe Mji.
Kwa mara nyingine uelewano wake na Obrey Chirwa ulizaa bao la pili kwenye dakika ya 34 ambapo Ajib aliutumbukiza mpira wavuni baada ya kutengewa pasi murua na Chirwa.
Yanga ikiwatumia Papi Kabamba Tshishimbi na Pato Ngonyani ilitawala sehemu ya kiungo na kuwapa wakati mgumu viungo wa Stand United na kuilazimu timu hiyo kutumia mipira ya mirefu.
Hata hivyo safu ya ulinzi ya Yanga leo iliyokuwa chini ya nahodha Nadir Haroub Cannavaro na Andrew Vicent 'Dante' ilikuwa imara kuondoa hatari zote langoni.
Kwenye dakika ya 53 Pius Buswita akaifungia Yanga bao la tatu kwa kuunganisha mpira wa kona uliopigwa na Ajib kabla Chirwa hajafunga bao la nne kwenye dakika ya 69 akitumia makosa ya mlinda lango aliyeshindwa kuwahi mpira uliokuwa umepigwa na Buswita.
Katika dakika 15 za mwisho kocha Lwandamina aliwatoa Chirwa, Ajib na Mwashiuya na kuwapa nafasi Said Mussa, Emanuel Martin na Yusuph Mhilu.
Kwa kandanda iliyoonyeshwa na vijana wa Yanga leo ni dhahiri sasa wako tayari kuubakisha ubingwa wa VPL Jangwani kwa msimu wa nne mfululizo.
Aidha Yanga iko tayari kwa mchezo dhidi ya Simba wiki ijayo, oktoba 28.
Ushindi dhidi ya Stand umeirudisha Yanga kwenye nafasi ya pili baada ya kufikisha alama 15 sawa na Simba na Mtibwa Sugar.
Sasa Yanga imefunga mabao 10 na kuruhusu mabao matatu hivyo kuwa na tofauti ya mabao saba.
ADVERTISE HERE
