Silaha kubwa leo kwenye mchezo dhidi ya Simba ni safu ya kiungo. Kaimu Kocha Mkuu wa Yanga Charles Mkwasa atatilia mkazo safu hiyo
Ni kutokana na ukweli kuwa ubora wa Simba hutegemea zaidi safu yake ya kiungo
Bila shaka Mkwasa leo atapanga viungo wengi ili kuhakikisha anatawala sehemu hiyo
Mkwasa anaweza kuwapanga Mapinduzi Balama/Niyonzima, Papy Tshishimbi na Abdulaziz Makame kama viungo watatu iwapo atatumia mfumo wa 4-3-3
Kaseke na Patrick Sibomana huenda wakatokea pembeni wakati Ditram Nchimbi, David Molinga au Yikpe Gnamien mmoja wao anaweza kuanza mshambuliaji wa kati
Yanga haina wasiwasi sana kwenye safu yake ya ulinzi licha ya kumkosa Lamine Moro anayetumikia adhabu ya kadi tatu za njano
Mkongwe Kelvin Yondani na Ally Mtoni wanapewa nafasi ya kuanza wakiwa mabeki wa kati wakati Adeyum Saleh na Mustafa Suleyman au Juma Abdul wanaweza kucheza pembeni
Langoni huenda akarejea Farouk Shikhalo ambaye hakucheza michezo miwili iliyopita akimpisha Metacha Mnata
Kikubwa katika mchezo wa leo, Mkwasa anahitaji wachezaji wenye uwezo mkubwa wa kukaba, lakini pia kwenye safu ya ushambuliaji atahitaji wachezaji wenye kasi
Safu ya ulinzi ya Simba haina wachezaji wenye kasi hivyo mara nyingi wanaposhambuliwa kwa kushitukiza uwezekano wa kuwafunga ni mkubwa
