Kuna kosa limefanyika mahali - Ten

Aliyekuwa Kaimu Meneja wa Yanga Dismas Ten amesema kusimamishwa kwake kumetokana na makosa yaliyofanyika mahali pengine

Uongozi wa Yanga umetangaza kumsimamisha Ten ili kupisha uchunguzi kufuatia tukio la kuwavalisha wachezaji na benchi la ufundi jezi zisizo rasmi ambazo hazikutolewa na wadhamini kampuni ya GSM

"Ni kama tu goli linapofungwa, wengi tunakimbilia kumlaumu kipa, lakini ukweli ni kwamba lazima tu kuna sehemu kosa lilifanywa na wengine," ameandika Ten kwenye ukurasa wake wa mtandao wa Instagram

Kabla ya kuteuliwa kuwa kaimu meneja wa Yanga, Ten aliteuliwa kuwa Afisa Masoko

Ten alijiunga na Yanga mwaka 2017 akiwa Afisa Habari na baadae kukaimu nafasi ya Katibu Mkuu kwa muda mfupi