Afisa Mhamasishaji wa klabu ya Yanga Antonio Nugaz amewataka mashabiki wa timu hiyo kujiamini na watembee kifua mbele kwani timu yao sasa iko katika hali nzuri baada ya baadhi ya changamoto kumalizwa
Wiki chache zilizopita, Yanga ilikuwa na changamoto ya kulipa mishahara ya wachezaji hali iliyopelekea baadhi ya nyota kuomba kuvunja mikataba yao
Nugaz amesema suala hilo litabaki kuwa historia baada ya wadhamini wao GSM, Taifa Gas na Sportpesa kuwapa sapoti ya kulimaliza
"Nawaambia mashabiki wa Yanga watembee kifua mbele, wasiyumbishwe na yanayoandikwa kwenye mitandao ya kijamii na wapinzani wetu kwani sasa mambo ni mazuri"
"Hatuna changamoto ya kulipa mishahara ya wachezaji pamoja na stahiki nyingine. Wadhamini wetu GSM, Taifa Gas na SportPesa wametuhakikishia kuwa suala la kulipa mishahara ya wachezaji halitakuwa tatizo tena"
"Tena wakae mkao wa kula kuwapokea nyota watatu ambao tumekamilisha usajili wao. Tembeeni kifua mbele kwani matatizo yamekwisha Yanga," alitamba Nugaz
