Mchezo wa ligi kuu ya Vodacom kati ya Tanzania Prisons dhidi ya Yanga ambao awali ulipangwa kupigwa uwanja wa Sokoine mkoani Mbeya, sasa utapigwa Samora mkoani Iringa leo
Bodi ya Ligi ililazimika kufanya mabadiliko baada ya kuufungia uwanja wa Sokoine ambao uliharibika vibaya kufuatia Tamasha la Muziki lililofanywa na Wasafi siku ya Krismasi
Yanga iliwasili mkoani Iringa jana usiku tayari kwa mchezo huo ambao utapigwa saa kumi jioni
Pamoja na kukubali kushuka dimbani, Afisa Habari wa Yanga Hassan Bumbuli amesema wataidai TFF gharama walizotumia kusafiri kutoka Mbeya kwenda Iringa ambako mchezo huo utachezwa
Aidha amesema kikosi kiko tayari kwa mchezo huo ambapo wamesema ni mchezo ambao wanahitaji kushinda hasa baada ya kukosa ushindi katika michezo miwili iliyopita
