Baada ya majadiliano baina ya viongozi wa Tanzania Prisons, Yanga na TFF mchezo wa ligi kuu kati ya Prisons dhidi ya Yanga ambao ulikuwa upigwe kesho Ijumaa kwenye uwanja wa Sokoine, umeahirishwa
Taarifa iliyotolewa na uongozi wa Yanga imesema mchezo huo hautafanyika baada ya makubaliano kufikiwa kutokana na hali ya uwanja wa Sokoine
Aidha uwanja wa Ihefu ambao Bodi ya Ligi ilipendekeza mchezo huo uchezwe, nao umeonekani haufai kutokana na sababu za kiusalama
"Mchezo wetu dhidi ya Tanzania Prisons wa Ligi Kuu Tanzania Bara uliokuwa uchezwe kesho, kutokana na Uwanja wa Sokione kuwa katika hali mbaya umeahirishwa."
"Timu zote zimefikia makubaliano hayo baada ya kupokea taarifa ya hali isiyoridhisha kiusalama kwenye Uwanja wa Ihefu ambao ulipendekezwa na Bodi ya Ligi kutumika kwa mchezo huo kesho kama Mbadala wa Uwanja wa Sokoine," imesema taarifa ya Yanga
