Yanga imeshindwa kuondoka na alama zote tatu mkoani Mbeya baada ya kulazimishwa suluhu ya bila kufungana dhidi ya Mbeya City katika mchezo uliopigwa uwanja wa Sokoine
Ni mchezo ambao haukuwa rahisi kwa kila timu kutokana na mazingira ya uwanja wa Sokoine
Mvua za rasharasha zilizonyesha muda mfupi kabla ya mchezo zilipelekea uwanja huo kujaa maji na tope na kusababisha mchezo kukosa ufundi
Ni matokeo ambayo sio mazuri kwa Yanga hasa ikizingatiwa michezo hii ya viporo wanapaswa kushinda ili kuwawea kwenye presha watani zao Simba ambao wako kileleni mwa msimamo wa ligi
Kimahesabu tayari Yanga imeacha alama nne kupitia michezo hiyo ya viporo ambapo hata ikishinda mingine iliyobaki itakuwa iko nyuma ya Simba kwa tofauti ya alama nne
Hata hivyo ligi bado mbichi na mabingwa hao wa kihisoria wana nafasi ya kujisahihisha katika michezo inayokuja
Siku ya Ijumaa watarudi tena dimba la Sokoine kuumana na Tanzania Prisons
Mchezo huo pengine utakuwa mgumu zaidi kuliko mchezo waliocheza dhidi ya Mbeya City leo
