Yanga imezidi kuimarisha safu yake ya kiungo baada ya kumsajili Haruna Niyonzima 'Fabregas' kutoka AS Kigali ya Rwanda
Ujio wa Niyonzima umeongeza vita ya namba katika safu ya kiungo
Kwani atawakuta viungo wengine wakiongozwa na nahodha Papy Tshishimbi, Mapinduzi Balama, Mohammed Issa 'Banka', Feisal Salum, Abdulaziz Makame, Raphael Daudi na kiraka Said Juma 'Makapu'
Ni wazi Niyonzima ataingia moja kwa moja kwenye kikosi cha kwanza, pengine atacheza sambamba na Tshishimbi na Balama
Msimu uliopita ulikuwa mzuri sana kwa Fei Toto lakini msimu huu anaonekana kucheza chini ya kiwango
Pengine ujio wa fundi Niyonzima utamfanya ajitathmini na kurejesha makali yake
Kwani Fei Toto ni aina ya kiungo ambaye angeweza kutengeneza pacha nzuri zaidi na Niyonzima
Banka alikuwa na mchango mwanzoni mwa msimu kabla ya kupata majeraha wakati Bui alikuwa mchezaji wa kutegemewa wakati wa kocha Mwinyi Zahera
Lakini ni dhahiri wakati huu wa Mkwasa atahitaji kufanya kazi ya ziada ili kujihakikishia nafasi kwenye kikosi cha kwanza kwani Mkwasa amemrejesha Tshishimbi nafasi ya kiungo cha ukabaji
