Baada ya kufanikiwa kuwasajili nyota karibu wote waliokuwa wakiwawania, bado Yanga hawajamaliza kazi
Inaelezwa bado nyota wawili wa kigeni huenda wakatua Jangwani kabla ya Jumanne ijayo
Nahodha wa UD Songo, kiungo mshambuliaji Luis Miquissone anaweza kuwa mmoja wao
Kupitia ukurasa wake wa mtandao wa Instagram, Afisa Habari wa Yanga Hassan Bumbuli ameuita usajili huo wa mwisho ni FUNGA KAZI
"Karibu tena fundi Haruna Niyonzima sasa inakuja FungaKazi, " Bumbuli alimkaribisha kiungo mpya wa timu hiyo Haruna Niyonzima
Lakini pia inaelezwa Yanga inaweza kumshusha mshambuliaji Ghislain Yikpe Gnamien raia wa Ivory Coast aliyekuwa akiitumikia Gor Mahia kabla ya kuvunja mkataba wake hivi karibuni
Michakato yote hiyo inasimamiwa na kampuni ya GSM, wadhamini wa mabingwa hao wa kihistoria ambao wamejitosa 'mazima' kuisuka upya Yanga
Lengo kuu ni kuhakikisha Yanga inatwaa ubingwa msimu huu, huu ni mwanzo wa uwekezaji ambao GSM wanakwenda kuweka Yanga
