Azam yamaliza utata usajili wa Nchimbi

Uongozi wa klabu ya Azam Fc umesema aliyekuwa mshambuliaji wao Ditram Nchimbi ni mchezaji halali wa Yanga baada ya makubaliano kufikiwa

Jana uongozi wa Polisi Tanzania ulitoa malalamiko kuwa hawakushirikishwa katika mchakato wa usajili wa mshambuliaji huyo

Hata hivyo Azam imetoa taarifa kuwa Nchimbi alikuwa ni mchezaji wao, walimtoa kwa mkopo Polisi Tanzania

"Tumemalizana na uongozi wa timu ya Yanga, kwa kuwauzia mshambuliaji wetu, Ditram Nchimbi, aliyekuwa kwa mkopo Polisi Tanzania," imesema taarifa ya Azam FC

"Uongozi wa Azam FC ulikuwa na nia ya kumuongezea mkataba Nchimbi, lakini mchezaji huyo alituomba kutoongeza mkataba mpya na sisi, na kututaka tumalizane na Yanga ili kujiunga nao kwenye usajili huu wa dirisha dogo"