Kaimu Kocha Msaidizi wa Yanga Said Maulid 'SMG' amesema michezo ya kirafiki waliyocheza mkoani Kigoma imewapa mazoezi mazuri
Katika michezo hiyo ambayo Yanga ilicheza dhidi ya Namgongo Fc na Kigoma United, timu iliibuka na ushindi wa 2-1 na 3-0
"Tulicheza na timu ambazo mifumo tofauti. Mchezo wa kwanza ulikuwa na mbinu zaidi wakati mchezo wa pili ulikuwa wa nguvu," amesema
"Tumeweza kupata matokeo, tunarejea jijini Dar es salaam kufanya maandalizi ya mwisho kuelekea mchezo wa FA dhidi ya Iringa United"
Mchezo wa pili dhidi ya Kigoma United uligubikwa na matukio ya kibabe ambapo mlinda lango Ramadhani Kabwili alitolewa nje kwa kadi nyekundu baada ya kupigana na mchezaji wa Kigoma United
Beki Jaffar Mohammed alilazimika kumalizia dakika zilizokuwa zimebaki akiwa mlinda lango
Kwenye ziara ya mkoani Kigoma, Yanga iliwakosa baadhi ya nyota wake waliokuwa timu za Taifa za Tanzania Bara(3) na Zanzibar Heroes(4)
Pia iliwakosa baadhi ya wachezaji wa kigeni ambao walichelewa kufika mkoani humo
Yanga inarejea jijini Dar es salaam kujiandaa na mchezo wa kombe la FA raundi ya tatu dhidi ya Iringa United ambao utapigwa Disemba 21 kwenye uwanja wa Uhuru
