Wakati hatma ya Lamine Moro aliyeomba kuvunja mkataba ikiwa gizani, Yanga imepata ahueni baada ya kumalizana na Andrew Vicent 'Dante'
Jana Shirikisho la Mpira wa Miguu Tanzania (TFF) lilimuaru Dante kuripoti kazini Yanga baada ya kumalizika kwa sintofahamu baina yake na uongozi
Kama Yanga itashindwa kumshawishi Lamine arejee nchini kuendelea kuwatumikia mabingwa hao wa kihistoria, moja kwa moja Dante ataweza kuchukua nafasi yake
Hata hivyo beki huyo kisiki amekuwa nje kwa zaidi ya miezi mitano pengine atahitaji muda zaidi wa kufanya mazoezi ili kuwa fit
Jana uongozi wa Yanga ulithibitisha kumalizika kwa shauri lake na wamemkaribisha tena klabuni
"Uongozi wa Yanga, unamkaribisha tena kikosini beki Andrew Vicent baada ya kumalizika kwa shauri la kesi baina ya pande mbili. Karibu tena Nyumbani," ilisema taarifa ya Yanga
