Mshambuliaji David Molinga sio miongoni mwa walioandika barua ya kuvunja mikataba yao na Yanga kama ilvyoripotiwa na baadhi ya vyombo vya habari
Mwenyekiti wa Yanga Dk Mshindo Msolla amesema mchezaji huyo aliomba ruhusa kwenda Ufaransa kumuuguza mwanawe
Molinga jana alifika Makao Makuu ya klabu kuomba ruhusu na wakati huo akifuatilia VISA
Dk Msolla amesema kama VISA haitapatikana kwa haraka Molinga ameahidi kuendelea na mazoezi na wachezaji wengine ambao wamerejea kujifua jana baada ya mapumziko ya siku tano
Yanga imethibitisha ni Sadney Urikhob na Lamine Moro pekee ambao waliandika barua ya kuvunja mikataba yao
Sadney ameruhusuwa kuondoka baada ya uongozi kutokuwa na mpango nae lakini Lamine bado anahitajika ambapo Dk Msolla amesema watamshawishi mchezaji huyo aendelee kubaki huku akiahidi kulipa madai yake yote leo sambamba na wachezaji wengine
