Uongozi wa Yanga unajaribu kumrejesha kwa mkopo aliyekuwa mshambuliaji wake Heritier Makambo ambaye anaitumikia Horoya Ac
Pamoja na jana kuifungia Horoya Ac moja ya mabao kwenye ushindi wa mabao 3-0 dhidi ya Al Nasr ukiwa mchezo wa kombe la Shirikisho, Makambo bado anakabiliwa na changamoto kupata nafasi kwenye kikosi cha kwanza cha Horoya
Hata hivyo Mwinyi Zahera aliyekuwa kocha wa Yanga huenda akawa kikwazo kukamilishwa kwa dili hilo ambalo lingekamilika bila matatizo kama angekuwa bado ni mkufunzi wa Yanga
Katika moja ya mahojiano yake hivi karibuni, Zahera alisema Yanga itapaswa kumlipa Makambo mshahara wa Tsh Milioni 7 kwa mwezi kwani ndio pesa anayolipwa na Horoya
Yanga inahaha kuboresha safu yake ya ushambuliaji ambayo mpaka sasa haijaonyesha makali ya kueleweka
Baada ya kuachana na mshambuliaji Sadnye Urikhob, mshambuliaji mwingine ambaye pia huenda akaachwa ni majeruhi Maybin Kalengo ambaye atarejesha klabu ya Zesco iliyokuwa imempeleka Yanga kwa mkopo
