Kili Stars, Zanzibar Heroes kuanza Chalenji leo

Wawakilishi wa Tanzania kwenye michuano ya Chalenji, Zanzibar Heroes na Kilimanjaro Stars leo zinashuka viwanjani nchini Uganda ikiwa ni michezo ya kundi B

Zanzibar Heroes itashuka uwanjani mapema saa saba mchana kuibali Sudan huku ndugu zao Kilimanjaro Stars wakitarajiwa kushuka dimbani saa kumi jioni kuikabili Kenya

Michuano hiyo ilianza jana kwa wenyeji Uganda kupata ushindi wa mabao 2-1 dhidi ya Burundi huku Djibout na Somalia zikitoshana nguvu kwa kutoka suluhu ya bila kufungana ikiwa ni michezo ya kundi A

Timu mbili zitakazoshika nafasi za juu kwenye kila kundi zitasonga mbele hatua ya nusu fainali