Uongozi wa Yanga umeanza mchakato wa kumnasa kocha wa Kagera Sugar Meckie Mexime ili kumuongeza kwenye benchi la ufundi kama Kocha Msaidizi
Mexime ambaye kwa sasa yuko mapumziko mkoani Morogoro baada ya ligi kusimama kupisha michuano ya Chalenji, amekiri kuzungumza na mabosi hao wa Yanga lakini bado hawajafikia mwafaka
"Ni kweli viongozi wa Yanga walinitafuta, lakini bado tunazungumza kama tutakubaliana nitakuja Dar es salaam kukamilisha masuala mengine," amesema
Yanga imedhamiria kuimarisha benchi la ufundi kabla ya mchezo dhidi ya watani zao Simba ambao utapigwa January 04 2020
Yanga na Simba ni kama 'mapacha' kwani wakati mwingine zimechukua maamuzi yanayofanana
Zote zilitimua makocha mwezi uliopita na wakati Yanga ikiwa mbioni kumnasa Mexime, klabu ya Simba imemchukua Selemani Matola aliyekuwa Polisi Tanzania kuwa kocha wao Msaidizi
