Klabu ya Yanga inahusishwa kumuwania mshambuliaji wa Lipuli Fc Daruweshi Saliboko ambaye wanamuwinda ili kumuongeza wakati wa usajili wa dirisha dogo
Tangu wiki iliyopita zimeripotiwa taarifa za nyota huyo aliyeifungia Lipuli Fc mabao sita kwenye ligi msimu huu kuingia kwenye rada za Yanga
Hata hivyo uongozi wa Lipuli umesema hakuna mazungumzo yoyote kati yao na Yanga lakini wako tayari kufanya mazungumzo na Yanga au timu yoyote inayomtaka Saliboko
Mwenyekiti wa Lipuli FC, Ayoub Kihwelo, amesema kama kuna timu inamuhitaji mchezaji huyo ni muhimu ikafuata taratibu zinazotakiwa.
"Taarifa ya mchezaji wetu kutakiwa na Yanga tunaisikia tu, lakini hakuna ofa tuliyopokea, kama wanamtaka tunawakaribisha mezani," alisema
Yanga inatarajiwa kufanya maboresho ya kikosi chake wakati wa usajili wa dirisha dogo utakaofunguliwa Disemba 16 mpaka Januari 15 2020
Juzi baada ya mchezo dhidi ya KMC ambao ulimalizika kwa sare ya bao 1-1, Kaimu kocha mkuu wa Yanga Charles Mkwasa alisema safu ya ushambuliaji ya timu hiyo ina maoungufu, watatumia dirisha dogo kujiimarisha
Saliboko bado ana mkataba wa mwaka mmoja na klabu ya Lipuli Fc
