Mshambuliaji David Molinga 'Falcao' leo ameihakikishia Yanga ushindi muhimu wa mabao 2-1 dhidi ya Alliance Fc baada ya kuifungia timu hiyo bao la ushindi
Molinga alifunga bao la pili la Yanga kwenye dakika ya 71 baada ya kupokea pasi murua kutoka kwa Deus Kaseke
Mchezo huo uliopigwa uwanja wa CCM Kirumba uliishuhudia Yanga ikifunga bao la kuongoza kwenye dakika ya 25 kupitia kwa Patrick Sibomana
Hata hivyo Alliance Fc walisawazisha mwanzoni mwa kipindi cha pili kupitia kwa Juma Nyangi aliyeachia mkwaju baada ya kupata nafasi ndani ya eneo la 18
Baada ya kosakosa za hapa na pale hatimaye Molinga akafunga bao la pili lililoihakikishia Yanga ushindi muhimu wa tatu ugenini
Matokeo hayo yanamfanya kocha Charles Mkwasa kuendeleza rekodi ya ushindi kwa asilimia 100 tangu alipokabidhiwa majukumu ya kuinoa Yanga mapema mwezi huu
Aidha Molinga amefikisha mabao manne akifuatiwa kwa karibu na Patrick Sibomana mwenye mabao matatu
