Kesho Ijumaa Novemba 29 2019, mabingwa wa kihistoria Tanzania Yanga watashuka kwenye uwanja wa CCM Kirumba kumenyana na Alliance Fc katika mchezo wa ligi kuu
Lakini mapema kabla ya mchezo huo, Wanachama wa klabu ya Yanga mkoani Mwanza watashiriki shughuli za kijamii
Afisa Mhamasishaji na Msemaji wa Yanga Antonio Nugaz, amesema saa tatu asubuhi Wanachama wa timu hiyo wapatao 200 watachangia damu Hospitali ya Bugando
Pia watatoa sukari na taulo za kujihifadhi kwa ajili ya kinamama waliojifungua na wanawake wengine wenye uhitaji Hospitalini hapo
"Yanga ni timu ya Mwananchi. Hivyo kesho kabla ya mchezo wetu dhidi ya Alliance, tutajitoa kwa ajili ya Wananchi. Wanachama wapatao 200 jijini Mwanza watachangia damu Hospitali ya Bugando pamoja na kutoa misaada mingine kama kugawa sukari kilo 200 na taulo za kujihifadhi kwa ajili ya kina mama zetu waliojifungua na wengine wenye mahitaji," amesema
Baada ya matukio hayo Nugaz amesema jioni Wanayanga wanapaswa kujitokeza kwa wingi uwanja wa CCM Kirumba kuiunga mkono timu yao
Amesema kama ilivyo kawaida ya GSM, kitita cha Tsh Milioni 10 kitatolewa kwa Yanga kama itashinda mchezo huo
