Afisa Habari wa Yanga Hassan Bumbuli amesema viungo Abdulaziz Makame, Feisal Salum na Mohammed Issa hawajajumuishwa kwenye kikosi cha timu hiyo kilichosafiri jijini Mwanza kwa kuwa tayari wamejiunga na timu ya Taifa ya Zanzibar iliyoanza maandalizi ya michuano ya Chalenji
Akizungumza na waandishi wa habari mapema leo, Bumbuli alisema walipata taarifa ya mechi dhidi ya Alliance Fc na KMC wakiwa tayari wameshawapa ruhusa wachezaji hao
"Baada ya mchezo dhidi ya JKT Tanzania tuliwarusu kwenda kujiunga na timu ya Taifa ya Zanzibar. Lakini baadae tukapewa taarifa kuwa tunapaswa kucheza na Alliance na KMC," alisema Bumbuli
"Kutokana na udharura huo uliotokea, viongozi wameona ni busara tusiwasumbue kwa kuwa tunao wachezaji wengine wa kucheza nafasi zao"
"Benchi la ufundi wametuhakikishia kuwa kikosi kiko imara kuelekea mchezo wa kesho dhidi ya Alliance"
Baada ya mchezo huo Yanga itarejea jijini Dar es salaam kujiandaa na mchezo mwingine dhidi ya KMC utakaopigwa Jumatatu, Disemba 02 2019
