Uongozi wa Yanga umeishushia lawama Bodi ya Ligi kwa kufanya mabadiliko ya ratiba ya ligi kuu bila ya kuvishirikisha vilabu husika
Juzi Bodi ya Ligi iliurudisha nyuma kwa siku moja mchezo kati ya Yanga dhidi ya JKT Tanzania ambao awali ulikuwa upigwe Jumamosi na kuurudisha siku ya Ijumaa yaani kesho Novemba 22
Afisa Habari wa Yanga Hassan Bumbuli amesema Bodi ya Ligi haivitendei haki vilabu kwa kubadilisha ratiba bila ya kuvishirikisha
"Viongozi wa mpira ni wao lakini sisi ndio wadau wakubwa, wanapobadili ratiba ni lazima wafanye mawasiliano na klabu maana sisi ndio tunaocheza sio wao," amesema
"Haiwezekani wanabadili ratiba bila kuhushisha vilabu kwanza ambavyo ndio wadau wakubwa na ndio wenye mechi"
Mabadiliko hayo ya ratiba yaliyofanywa huenda yakawakosesha nafasi ya kushiriki mchezo huo nyota wa Yanga waliokuwa timu za Taifa
